اسلام آباد (سہ پہر) لوک میلہ 2025 میں “نی ہاؤ! چائنا” کی شاندار نمائش وفاقی وزیر برائے قومی ورثہ و ثقافت ایچ جناب اورنگزیب خان کھچی چائنہ پویلین میں وی آر کا تجربہ کرتے ہوئے

اسلام آباد، 13 نومبر، 2025 (سہ پہر)— پاکستان کی سالانہ عظیم الشان ثقافتی تقریب، لوک ورثہ فیسٹیول (لوک میلہ)، جس کی چالیس سال سے زائد تاریخ ہے، آج دارالحکومت اسلام آباد میں شروع ہوا۔ وفاقی وزیر برائے قومی ورثہ و ثقافت جناب اورنگزیب خان کھچی نے افتتاحی تقریب میں شرکت کی اور تقریب سے خطاب کیا۔
پہلی بار چائنا کلچرل سنٹر پاکستان کو فیسٹیول میں شرکت کے لیے مدعو کیا گیا اور چائنا کلچرل سنٹر نے ” 2025 چائنا کلچر اینڈ ٹوارزم ویک” کا آغاز افتتاح کیا۔ متنوع اور دلکش ثقافتی نمائشوں کے ذریعے، تقریب نے چین پاکستان ثقافتی تبادلے اور تہذیبوں کے درمیان باہمی سیکھنے کے عمل نے اس تقریب میں نئی جان ڈالی۔

چائنا پویلین، میں فوربڈن سٹی کے دروازے اور چین کی عظیم دیوار کے شاندار ماڈلز نے چینی ثقافت کی ایک انتہائی قابل شناخت بصری علامت پیش کی اور جلد ہی دیکھنے والوں کے لیے تصاویر لینے کا ایک مقبول مقام بن گیا۔ چار اہم موضوعاتی حصوں کے ساتھ – ثقافتی سیاحت کی تصویری نمائش، سمارٹ ٹورازم پروڈکٹس ڈسپلے، VR ایکسپریئنس زون، اور انٹینجبل ثقافتی ورثہ شوکیس – چین پویلین نے ثقافتی اور سیاحتی وسائل کے بھرپور تنوع کی شاندار نمائش پیش کی ۔ لوگوں نے چین کے قدرتی عجائبات اور گہرے ثقافتی ورثے کا ایک عمدہ انداز میں تجربہ کیا جس سے پاکستانی عوام میں ملک کے مثبت امیج کو مضبوط کرنے میں مدد ملی۔

لوگوں کی دلچسپی کو بڑھانے کے لیے، پویلین میں ایک خصوصی “چینی تاریخ اور ثقافت کوئز” متعارف کرایا گیا۔ شرکاء سوالات کے صحیح جواب دے کر خصوصی لوگو اسٹیکرز یا ڈاک ٹکٹ جیت سکتے تھے، اور جنہوں نے آٹھ سے دس ڈاک ٹکٹ اکٹھے کیے تھے انہیں “ایٹرنل تانگ ڈائنسٹی” اور “چائنیز گارڈنز” جیسے VR تجربات سے لطف اندوز ہونے کے لیے مدعو کیا گیا تھا۔ اس انٹرایکٹو تجربے نے تفریحی اور دل چسپ انداز میں چینی تاریخ اور ثقافت کے بارے میں لوگوں کی سمجھ کو گہرا کیا۔

زیڈ ٹی ای کارپوریشن نے پویلین کے اندر اپنی شیشوں کے بغیر تھری ڈی ٹیکنالوجی والی عینک بھی پیش کی، جہاں ثقافت اور ٹیکنالوجی کے انضمام نے چائنا پویلین کو نمایاں طور پر بڑھایا، جس سے چینی ثقافت پاکستانی سامعین تک قابل رسائی اور اختراعی انداز میں پہنچ سکی۔

پاکستان میں عوامی جمہوریہ چین کے سفارت خانے کے کلچرل قونصلر اور پاکستان میں چائنا کلچرل سینٹر کے ڈائریکٹر مسٹر چھن پھنگ نے وزیر اورنگزیب اور اسلام آباد میں مختلف سفارت خانوں کے نمائندوں کو چائنا پویلین کا دورہ کرنے اور چینی ثقافتی دلکشی کے حیرت انگیز تجربے سے لطف اندوز ہونے کی دعوت دی۔

اس سال کا لوک میلہ دس دن تک جاری رہے گا جس میں ایک اندازے کے مطابق 100,000 سے زیادہ افراد شرکت کریں گے۔

یہ 2025 میں اسلام آباد میں ہونے والے سب سے بڑے ثقافتی پروگراموں میں سے ایک ہے۔ چین کے علاوہ، پاکستان میں ازبکستان اور ویتنام کے سفارت خانوں نے بھی اس میلہ میں گرمجوشی سے حصہ لیا اور اس لوک میلہ کو تہذیبوں کے درمیان باہمی سیکھنے اور ثقافتی تبادلے کا ایک واضح مظاہرہ بنایا۔