اسلام آباد (سہ پہر) بنگلہ دیش ملٹری اکیڈمی کی خصوصی دعوت پر پاکستان ملٹری اکیڈمی کے کمانڈنٹ نے بنگلہ دیش ملٹری اکیڈمی میں پاسنگ آؤٹ پریڈ میں شرکت کی

اسلام آباد (سہ پہر) بنگلہ دیش ملٹری اکیڈمی کی خصوصی دعوت پر پاکستان ملٹری اکیڈمی کے کمانڈنٹ نے بنگلہ دیش ملٹری اکیڈمی میں پاسنگ آؤٹ پریڈ میں شرکت کی’ اس موقع پر پاکستان ملٹری اکیڈمی کے کمانڈنٹ نے کہا “ان نوجوان کیڈٹس کی پاسنگ آؤٹ تقریب میں شرکت کرنا میرے لیے ایک بہت بڑا اعزاز اور بے پناہ خوشی کا باعث ہے۔”انہوں نے مزید کہا کہ پاکستان اور بنگلہ دیش ہمیشہ بھائی چارے، دوستی، باہمی احترام اور مشترکہ تاریخ کے رشتوں میں بندھے رہیں گے۔کمانڈنٹ نے کہا “بنگلہ دیش ایک خوبصورت ملک ہے، اور میں نے یہاں جس گرمجوشی، مہمان نوازی اور پیار کا تجربہ کیا ہے اسے الفاظ میں بیان نہیں کیا جا سکتا۔”فارغ التحصیل ہونے والے کیڈٹس سے خطاب کرتے ہوئے، انہوں نے ان پر زور دیا کہ وہ لگن اور محنت کے ذریعے جدید ٹکنالوجی میں مہارت حاصل کریں، یہ نوٹ کرتے ہوئے کہ مستقبل کی کامیابی کا انحصار علم، اختراع اور تکنیکی برتری پر ہو گا۔پاسنگ آؤٹ پریڈ میں پاکستان ملٹری اکیڈمی کے کمانڈنٹ کی شرکت پاکستان اور بنگلہ دیش کے درمیان بڑھتے ہوئے دفاعی تعاون، باہمی اعتماد، پیشہ ورانہ مصروفیت اور مضبوط دوطرفہ تعلقات کی عکاسی کرتی ہے