لاہور (سہ پہر) سرسبز کا یومِ آزادی پر ”دل سے دیکھو سرسبز پاکستان” مہم کا آغاز

لاہور، 20 جولائی (سہ پہر): یومِ آزادی کے موقع پر فاطمہ فرٹیلائزر کے معروف برانڈ سرسبز نے اپنی ملک گیر ڈیجیٹل مہم ”دل سے دیکھو سرسبز پاکستان” کا آغاز کر دیا ہے۔ اس مہم کا مقصد پاکستانیوں کو اپنے شہروں، قصبوں اور دیہات کی خوبصورتی، ثقافتی رنگا رنگی اور منفرد شناخت کو دنیا کے سامنے اجاگر کرنے کا موقع فراہم کرنا ہے۔

یہ مہم اس سوچ پر مبنی ہے کہ پاکستان کی اصل پہچان اس کے لوگ، ان کی کہانیاں اور ان کے علاقوں کی انفرادیت ہے۔ ”دل سے دیکھو سرسبز پاکستان” کے ذریعے ہر پاکستانی کو دعوت دی گئی ہے کہ وہ ایک مختصر ویڈیو کے ذریعے اپنے آبائی علاقے کی قدرتی دلکشی، تاریخی ورثے، مقامی روایات، روایتی کھانوں، پوشیدہ سیاحتی مقامات اور وہاں کے لوگوں کی حوصلہ افزا کہانیوں کو دنیا کے سامنے پیش کرے۔ ملک کے ہر خطے کی اپنی الگ شناخت ہے، لیکن یہی رنگ مل کر ایک مضبوط، متحد اور قابلِ فخر پاکستان کی تصویر پیش کرتے ہیں۔

مہم میں حصہ لینے کے لیے شرکاء کو اپنی ویڈیو سوشل میڈیا اکاؤنٹ Challenge Audio” “Sarsabz Pakistanکی آفیشل آڈیو کے ساتھ اپ لوڈ کرنی ہوگی، #DilSeSarsabz ہیش ٹیگ استعمال کرنا ہوگا اور سرسبز کے آفیشل سوشل میڈیااکاؤنٹ کو ٹیگ کرنا ہوگا۔

اس مہم کے تحت شرکاء کو شاندار انعامات جیتنے کا موقع ملے گا، جبکہ ہر ہفتے منتخب ہونے والے فاتحین کو بھی خصوصی انعامات سے نوازا جائے گا۔ اس اقدام کا مقصد ملک بھر سے ایسی تخلیقی اور متاثر کن کہانیوں کو سامنے لانا ہے جو پاکستانی عوام، ثقافت، روایات، مقامی کھانوں، تاریخی مقامات، قدرتی حسن اور پوشیدہ سیاحتی خزانوں کی حقیقی عکاسی کرتی ہوں۔

اس موقع پر اظہارِ خیال کرتے ہوئے فاطمہ فرٹیلائزر کی ڈائریکٹر مارکیٹنگ اینڈ سیلز، رابیل سدوزئی نے کہا: “پاکستان بے شمار ایسی خوبصورت کہانیوں کا ملک ہے جو دنیا تک پہنچنے کی منتظر ہیں۔ ‘دل سے دیکھو سرسبز پاکستان’ کے ذریعے ہم ہر پاکستانی کو یہ موقع دینا چاہتے ہیں کہ وہ اپنے شہر، قصبے یا گاؤں پر فخر کا اظہار کرے اور اپنے علاقے کی خوبصورتی اور وہاں بسنے والے لوگوں کے حوصلے اور جذبے کو دوسروں کے سامنے پیش کرے۔ پاکستان کا ہر خطہ اپنی ایک منفرد پہچان رکھتا ہے، اور یہ مہم ان کہانیوں کو پورے ملک تک پہنچانے کا ایک مؤثر پلیٹ فارم فراہم کرتی ہے۔ اس یومِ آزادی پر ہم سب کو دعوت دیتے ہیں کہ آئیں، اپنے عزم، فخر اور قومی یکجہتی سے روشن پاکستان کا جشن منائیں۔”

سرسبز ملک کے ہر صوبے، شہر، قصبے اور گاؤں کے عوام کو دعوت دیتا ہے کہ وہ اس مہم کا حصہ بنیں اور دنیا کو وہ پاکستان دکھائیں جسے وہ سب سے بہتر جانتے ہیں، کیونکہ وطن کی سب سے خوبصورت کہانیاں وہی ہوتی ہیں جو دل سے دیکھی اور سنائی جائیں۔ویڈیوز اپلوڈکرنے کی آخری تاریخ 14 اگست ہے۔