اسلام آباد (سہ پہر) خیبرپختونخوا میں دہشت گردوں اور جرائم پیشہ افراد کے خلاف آپریشنز کے دوران غیر معمولی بہادری کا مظاہرہ کرنے پر بدھ کے روز 45 پولیس افسران کو قائداعظم پولیس میڈلز اور صدر پولیس میڈلز سے نوازا گیا

اسلام آباد (سہ پہر) خیبرپختونخوا میں دہشت گردوں اور جرائم پیشہ افراد کے خلاف آپریشنز کے دوران غیر معمولی بہادری کا مظاہرہ کرنے پر بدھ کے روز 45 پولیس افسران کو قائداعظم پولیس میڈلز اور صدر پولیس میڈلز سے نوازا گیا انسپکٹر جنرل آف پولیس خیبرپختونخوا ذوالفقار حمید نے ملک سعد شہید پولیس لائنز پشاور میں منعقدہ تقریب کے دوران بہادر پولیس اہلکاروں کو تمغوں سے نوازا‘ آئی جی پی نے 13 پولیس شہداء کے ورثاء کو قائداعظم پولیس میڈلز اور صدارتی پولیس میڈلز سے نوازا جبکہ 32 غازی پولیس اہلکاروں کو بھی اعزازات سے نوازا گیا مختلف اوقات میں دہشت گردی کے خلاف جنگ میں اپنے فرائض کی انجام دہی کے دوران شہید اور زخمی ہونے والے افسران اور جوانوں کے ناموں کی سفارشات ان تمغوں کے لیے وفاقی حکومت کو ارسال کی گئیں شہید پولیس اہلکاروں میں سب انسپکٹر حکم خان، ایس آئی عبدالحمید خان، ایس آئی عنایت اللہ، اے ایس آئی عبدالحق، کانسٹیبلز کلیم اللہ، شاہ محمود، وزیر علی، نجیب اللہ اور محمد جنید کو قائداعظم پولیس میڈلز سے نوازا گیا۔اس کے علاوہ ایم انسپکٹر رمضان، ایس آئی طاہر نواز، نیاز محمد اور محمد بلال سمیت شہید ہونے والے ہیروز کو صدر پولیس میڈل سے نوازا گیا۔ غازیوں میں آر پی او بنوں سجاد خان، ڈی آئی جی جاوید اقبال، ایس آئی دمساز خان، ایس آئی فہیم ممتاز، ہیڈ کانسٹیبل غلام عباس، کانسٹیبلز وحید اللہ، ہزارہ حیات، مسلم جان مسلم اور وحید اللہ کو قائداعظم پولیس میڈلز سے نوازا گیا