اسلام آباد (سہ پہر) ایشین ایکسی لینس پرفارمنس ایوارڈز اسلام آباد تقریب 16 ، دسمبر بروز منگل کو شام 6 – بجے پی این سی اے آڈیٹوریم میں منعقد کی جائے گی – پیر سید سہیل بخاری چئیرمین ایوارڈزکمیٹی

اسلام آباد (سہ پہر) ایشین کلچرل ایسوسی ایشن آف پاکستان کے سیکرٹری جنرل و چیئرمین ایوارڈز کمیٹی پیر سید سہیل بخاری نے بتایا ہے کہ ایشین ایکسی لینس پرفارمنس ایوارڈز اسلام آباد تقریب پی این سی اے آڈیٹوریم اسلام آباد میں 16 ، دسمبر 2025ء شام 6 ، بجے منعقد کی جا رہی ہے – جس میں زندگی کے ہر شعبہ کی شخصیات کو انکی اعلٰی کارکردگی پر ایوارڈز سے نوازا جائے گا – پیر سید سہیل بخاری نے مزید بتایا کہ ایک میگا ثقافتی پروگرام بھی تقریب کا حصہ ہوگا جس میں ملک کے نامور فنکار ، گلوکار اور گلوکارہ ،کامیڈین و قوال پرفارم کریں گے – علاوہ ازیں صوفی پرفارمنس ، علاقائی رقص ، دھمال ، ڈھول پرفارمنس بھی تقریب کا حصہ ھونگے – وفاقی وزیر مواصلات حکومت پاکستان عبدالعلیم خان ، اورنگزیب خان کھچی وفاقی وزیر ثقافت و قومی ورثہ حکومت پاکستان مہمانان خصوصی ہو نگے – ممبران قومی اسمبلی و سینٹ مختلف ممالک کے سفیر شریک ھونگے –